Escola Municipal de música

A Escola de Música de Meaño ten a súa orixe en 1980, cando o Concello de Meaño, rexido por D. Germán Rodiño, antigo músico da Banda de Música de Meaño, puxo en marcha unha “escola” dotada cun só profesor (primeiro D. Roberto Doce, e máis tarde D. Manuel Lores) para intentar refundar a Banda de Música de Meaño. En 1985 D. Manuel Lores, cos poucos medios que tiña, logrou formar unha pequena agrupación e a Banda de Música de Meaño volveu a sonar coma nos seus mellores tempos. Pouco a pouco foise mellorando contratando a novos profesores: un para a madeira e outro para o metal.

Pero o cambio máis significativo deuse no 1999 coa posta en marcha da nova Escola de Música. Primeiro o Concello acondicionou un local para o uso exclusivo da Escola, e contratáronse a novos profesores especializados para a impartición das clases de música.

No ano 2006 por diversos motivos a Escola de Música pasou a ser de titularidade municipal e así creouse a Escola Municipal de Música que se xestiona dende a Concellería de Cultura e Educación.

No presente curso 2008-2009 a escola conta con 153 alumnos repartidos nas disciplinas de Música e Movemento (3 cursos), Iniciación a Linguaxe Musical (2 cursos), Linguaxe Musical (5 cursos), Harmonía e análise, Violonchelo, Fagot, Oboe, Frauta, Clarinete, Guitarra, Percusión, Trompeta, Trombón, Saxofón, Trompa, Bombardino, Piano, Conxunto Vocal e Conxunto instrumental. Impartidas todas por un total de 16 profesores especializados.

Ademáis formouse unha agrupación, A Banda da Escola, formada por alumnos da Escola onde os máis pequenos aprenden a tocar en conxunto e ven o funcionamento dunha Banda de Música, xa que o principal obxetivo desta Escola é formar ós novos membros da Banda Unión Musical de Meaño.

Durante o curso realízanse múltiples actividades: concertos didácticos nos colexios do Concello e da Comarca, diversos festivais como para celebrar  Santa Cecilia, polo Nadal,... saídas a outras escolas e auditorios.

Na actualidade a Escola de Música conta cun director D. David Fiuza Souto e un Subdirector D. Juan Portela Varela.

• Regulamento de funcionamiento da escola municipal de música
• II Ciclo Cursos Instrumentais Meaño 2010: Trombón, Percusión e Clarinete.
• Campamento en Oleiros da Escola de Música, do 28 de xuño ó 2 de xullo.
• Modelo de solicitude do Campamento en Oleiros. 
• Concertos Fin de curso da Escola de Música Municipal de Meaño.
• Aberto o prazo de Matrícula curso 2010-2011 da Escola Municipal de Música de Meaño. Solicitude de Matrícula.