Igrexa Parroquial de Santa Cristina de Cobas

San Bieito de Palermo

Localizada na parte máis alta da aldea, fóra do núcleo que forman as vivendas, rodeada de fragas e cultivos. A igrexa é de planta rectangular, cunha soa nave e a capela maior tamén de planta rectangular e con bóveda de canón. A fachada é sinxela e a porta alintelada.

Acolle no seu interior unha das imáxes máis veneradas no concello, a de San Bieito de Palermo (o santo negro), festividade que se celebra o martes despois da Pascua.

Cruceiro da igrexa de Cobas.

Fronte á Igrexa, no atrio, sitúase un cruceiro de gran beleza, ricamente tallado. Destacan as figuras do fuste que representan a escea bíblica do Pecado Orixinal.