Os lavadoiros

Arte popular e funcional

Os lavadoiros xurdiron como unha necesidade lóxica para que os vecinos tiveran lugares onde lavar a súas roupas. Aínda se lembra hoxe o cheos que estaban de mulleres que mañá e tarde acodían a estes lugares a faceren a bogada. Pero mentres se estaba a realizar esta laboura os lavadoiros convertíanse en lugares de “reunión social” onde as lavandeiras comentaban as novidades da veciñanza, polo que moitas das veces remataban sendo lugar de discusión e enfrontamento.

Hoxe en día a meirande parte dos lavadoiros deixaron de seren utilizados, polos menos de xeito regular. Tan só ocasionalmente se acode a estes lavadoiros perante as secas estivais.

O Concello de Meaño conta cun total de trinta e cinco lavadoiros públicos. A meirande parte foron construídos entre os anos 1939 e 1975. Canteiros como Ramón Gómez, Miguel Fernández, Manuel Argibai e Manuel Hermida entre outros realizaron estas construccións pensadas como un servicio público e que, aínda que teñen deixado de seren utilizados, seguen a ser unha manifestación da arte popular galega.