A documentación que hai que achegar é a seguinte:

1. Os interesados en obter a licencia de primeira utilización ou cambio de uso, presentarán a correspondente solicitude, no modelo oficial que subministrará o propio Concello, dirixida ó Sr. Alcalde- Presidente, e na que constará:
   1. Nome e apelidos do interesado, D.N.I., e domicilio a efectos de notificacións. No caso de actuar en nome ou representación doutra persoa física ou xurídica, datos do representado.
   2. Referencia dos feitos que motivan a solicitude, concretando coa maior claridade os datos do edificio construido ou modificado, circunstancias, situación, finalidade, uso e cantos outros se coide oportuno subministrar.
   3. Lugar, data e firma do solicitante
   4. Todos aqueles outros datos requeridos no impreso de solicitude.
2. Os solicitantes deberán engadir ás suas solicitudes os seguintes documentos:
   1. Fotocopia da licencia de obra outorgada no seu día.
   2. Certificacións de finalización de obra, instalacións e, no seu caso, de urbanización, emitidas polos directores das mesmas, e visadas polos colexios profesionais correspondentes.
   3. Xustificante de ter solicitada a alta no imposto de bens de natureza urbana.
   4. Xustificante do aboo das taxas municipais correspondentes.
   5. Proxecto reformado, se fose o caso.
   6. Xustificante de estar ó corrente no IAE, do contratista principal e das posibles empresas subcontratantes que teñan intervido nas obras.
3. Para o caso de vivendas de protección oficial, o promotor deberá aportar, asimesmo, a cédula de calificación definitiva.