Parcelacións e segregacións

Descrición	A parcelación urbanística é a división de parcelas en lotes ou porcións co fin da súa edificación ou urbanización simultánea ou sucesiva; de conformidade coas determinacións do PXOU.
Documentación necesaria	A documentación que hai que achegar é a seguinte: Solicitude Fotocopia do documento de identidade do solicitante. No caso de actuar en representación, fotocopia dos documentos de identidade do representante e o solicitante, coa autorización escrita deste último ou copia de poder para representalo. Plano de situación en cartografía municipal a escala 1:1000 en zona urbana e 1:5000 no resto, sinalando a parcela. Plano de ordenación do PXOU, sinalando a parcela Documento acreditativo da titularidade das parcelas iniciais Ficha ou plano catastral, nota simple do Rexistro da Propiedade ou plano da Concentración Parcelaria no que se sinalará a parcela. Memoria na que deberá constar: Descrición das parcelas iniciais na que se recollan os accidentes, características topográficas, superficies e lindeiros. Xustificación da parcelación, segregación ou agrupación. Descrición das parcelas resultantes nas que se recollan os accidentes, características topográficas, superficies e lindeiros. Clasificación e cualificación urbanística. Planos nos que se recollan as actuacións propostas. Nas segregacións de parcela deberá presentarse xustificación da causa que motiva a mesma segundo disposto no art. 206 da Lei 9/02 coas modificacións contidas no artigo 6.4 da Lei 15/2004, do 29 de decembro, de modificación da Lei 9/2002 de ordenación urbanística e protección do medio rural de Galicia.
Notas para o cidadán	A segregación de parcelas é, asemade, a división de parcelas de solo rústico en lotes ou porcións con algunha finalidade das previstas no artigo 206 da Lei 9/02 de ordenación urbanística e protección do medio rural de Galicia, coas modificacións contidas no artigo 6.4 da Lei 15/2004, do 29 de decembro, de modificación da Lei 9/2002 de ordenación urbanística e protección do medio rural de Galicia. En todo caso, respectarase a superficie mínima e indivisible que determine a lexislación agraria (2.000 m2).- As agrupacións de parcelas non son un acto necesitado de licenza urbanística, agás naqueles supostos que sexa simultáneo á parcelación ou segregación de fincas. A solicitude debe presentarse en modelo normalizado.
Información sobre o custo	No caso de parcelacións en solo urbano deberá pagarse, no momento de presentar a solicitude, o 2% do valor asignado ao terreo no IBI.