Pasaxes permanentes

Descrición	Supón a concesión de autorización para a entrada e saída de vehículos ao interior de inmobles cando sexa necesario cruzar beirarrúas ou outros bens de dominio e uso público. Pode ser solicitada polo propietario, posuidores lexítimos dos inmobles ou promotores e contratistas, no suposto de obras.
Documentación necesaria	A documentación que hai que achegar é a seguinte: (copias ou orixinais) Solicitude. Fotocopia do documento de identidade do solicitante. No caso de actuar en representación, fotocopia dos documentos de identidade do representante e o solicitante, coa autorización escrita deste último ou copia de poder para representalo. Plano de situación da cartografía municipal a escala 1:2000 Plano da fachada do inmoble con delimitación expresa da entrada solicitada a escala 1:50 Plano de planta e número de prazas existentes por andar. Fotografía da fachada do inmoble Licenza de obra e primeira ocupación cando nela conste expresamente a zona ou reserva para aparcadoiro. Licenza de habilitación do local para garaxe (cando requira obra) ou de modificación de uso Licenza de apertura, cando nela conste expresamente a zona de aparcadoiro ou se teña outorgada para actividades de reparación, venda, alugamento, exposición, lavado, engraxamento ou inspección de vehículos ou cando se trate de estacións de servizo. Xustificación do cumprimento da NBE CPI no local adicado a garaxe. (Non será necesaria a presentación daqueles documentos que foran expedidos por este Concello, sempre que o interesado o faga constar e facilite os datos necesarios para localizalos e verificar a súa existencia).
Información sobre o custo	As que resulten de aplicar a Ordenanza fiscal 21. Taxa pola entrada de vehículos a través de beirarrúas. O momento do pagamento será o que se estableza no calendario do contribuínte.