O municipio

No corazón do Salnés

Meaño está situado no interior da Comarca do Salnés (www.osalnes.com), nas Rías Baixas, ao suroeste de Galicia.

É unha comarca de rica paisaxe na que atopamos desde magníficas praias, ata verdes vales e zonas montañosas. A Ría de Arousa polo norte e a de Pontevedra polo sur bañan as súas costas.

Cunha extensión de algo máis de 265 Km2 e cunha poboación de perto de 110.000 habitantes, O Salnés configúrase como unha das comarcas con maior densidade de Galicia e unha das que presentan un maior dinamismo económico e demográfico.